بالمشرمحي || نداء اخير

#صحتك_ببيتك يستر على أهلك

* براء ال معمر

يا أخوان والله الواحد قلبه بتقطَّع ، كلامي هالمره موجه للناس جميعا ، وبتمنى تقرأوا البوست للآخر،
بتعرفوا شو يعني عزل مدينة إربد ؟

يعني صارت منطقة موبوءه ، يعني طلعتك من الدار حرفياً عباره عن انتحار إلك ولكل عيلتك.
يا عالم بالله عليكوا لا تزيدوا الطين بلِّه ، كلنا بـ إربد قرايب وحمايل وعشاير، كل واحد بمون على عنده ، بالله عليكوا تحملوا هالفتره خليها تعدِّي ونخلص، الوضع مش مزحه ، وبكرا لا سمح الله لما يموت حدا بعز عليك رح تتأكد إنها مش مزحه ، ي عمي هينا النا شهر بنسولف، انبح صوتنا واحنا بنقول والله مهو مزحه، وباء هاظ والله مش انفلونزا عاديه، أقعد بدارك وقعد اللي حواليك، والله مش رح تموت من الجوع، أقوللك موت من الجوع، صدقني أحسن ما يموتلك حبيب.
لآخر مره بالله عليكوا تستوعبوا وتفهموا الناس الغاليين عليكوا إنه مرض 'بموِّت' ومش رح يموت لحاله، رح يموت هو وكل اللي حواليه. لا حدا يقوللي إحباط، لأنه فعلياً إحباط، خليك واعي هالفتره واصحى يستر عرضك.
تطلعش من دارك